Moothon (2019) Sinhala Subtitles | සිංහල උපසිරැසි සමඟ

ලේ සුවඳ හමන මුම්බායි පාතාලය

ලක්ෂද්වීපයේ සිට සිය වැඩිමහල් සහෝදරයා වන අක්බර්ව සොයාගෙන ඉන්දියාවේ මුම්බායි නගරය වෙත පැමිණෙන මුල්ලා නමැති කුඩා ළමයාගේ ජීවන අරගලය සහ ඒ වටා ගෙතුණු මුම්බායි පාතාලයේ අඳුරු පැතිකඩක් වටා තමයි මේ මලයාලම් හින්දි ද්විභාෂා අපරාධ නාට්‍යමය කතාව ගොඩනැඟිලා තියෙන්නේ. මුම්බායි නගරයේ අතිශය භයානක අපරාධ ලෝකය සහ කාමතිපුර රතු වීදියේ අඳුරු සෙවනැලි මැද සිය අතීතය වසන් කරමින් ජීවත් වන අක්බර්ව සොයා ගැනීම මුල්ලාට මරණයත් සමඟ කරන දැවැන්ත සටනක් බවට පත් වෙනවා. තම සහෝදරයා සොයන ගමනේදී අක්බර්ගේ රහසිගත අතීතය, ඔහු මුහුණ දුන් බිහිසුණු අත්දැකීම් මෙන්ම ඔහු සතුටුදායක ජීවිතයක් අතහැර පාතාලයට සම්බන්ධ වීමට හේතු වූ සංවේදී ආදර කතාව පිළිබඳව කටුක සත්‍යයන් රැසක් මුල්ලාට අනාවරණය වෙන්න පටන් ගන්නවා. ලක්ෂද්වීපයේ සුන්දරත්වයත්, මුම්බායි නගරයේ අපිරිසිදු රළු අපරාධ පසුබිමත් අතර දෝලනය වන මේ අනපේක්ෂිත මෙහෙයුම අවසානයේදී සහෝදරයන් දෙදෙනා නැවත මුණගැසෙන සංවේදී ආකාරය මේ කතාවෙන් දිගහැරෙනවා.

• Subtitle By: [cinemx]