Christy (2023) Sinhala Subtitles | සිංහල උපසිරැසි සමඟ

නොසිඳෙන ආදර චාරිකාව

රෝයි කියන්නේ අධ්‍යාපනයට කිසිම උනන්දුවක් නැති, අනාගතය ගැන ලොකු අරමුණක් නැතුව නිදහසේ ඉන්න තරුණයෙක්. දෙමව්පියන්ගේ දැඩි බලකිරීම නිසාම එහා ගෙදර පවත්වන උපකාරක පන්තියට යන්න රෝයිට සිද්ධ වෙද්දී එතැනදී ඔහුට මුණගැහෙන්නේ ක්‍රිස්ටි කියන රූමත් ගුරුවරියයි. මුලදී සාමාන්‍ය ගුරු-ගෝල සම්බන්ධයක් විදිහට පටන් ගත්තත් කාලයත් එක්කම මේ දෙන්නා අතරේ හරිම සමීප යාළුකමක් ගොඩනැඟිලා ඒක නොසිතූ විදිහට ගැඹුරු ආදර හැඟීමක් බවට පත්වෙනවා. වයස් පරතරය සහ සමාජයෙන් එල්ලවෙන මතවාද මැද මේ ලස්සන ආදරය දළුලන මොහොතෙම ක්‍රිස්ටිට මාලදිවයිනේ රැකියාවක් ලැබිලා රටින් පිටවෙලා යන්න සිද්ධ වෙනවා. කිසිම පරමාදර්ශයක් නැතුව හිටපු රෝයි තමන්ගේ ප්‍රථම ප්‍රේමය තමන්ගෙන් ඈත් වෙද්දී දැඩි ලෙස කම්පනයට පත්වෙන අතරේ, ඇයව තමන්ගේ ජීවිතයෙන් අත්හරින්න කොහෙත්ම සූදානම් නැතිව ඇයව හොයාගෙන කිසිවෙකු නොසිතන තරම් දුරක් යන්න තීරණය කරනවා. තරුණ වියේ ආවේගශීලී තීරණ, වෙන්වීමේ වේදනාව සහ වටපිටාවේ සමාජ බලපෑම් මැද තමන්ගේ නොසිඳෙන ආදරය වෙනුවෙන් රෝයි කරන මේ අභියෝගාත්මක හැඟීම්බර ගමන හැමෝගෙම හිත්වලට තදින්ම දැනෙන එක නියතයි.

• Subtitle By: [cinemx]