
අභිරහසේ අවසන් මාස්ටර්මයින්ඩ් සැලසුම
ශකයකට ආසන්න කාලයක් අපිට උපරිම කුතුහලයක් දුන්නු ජෝර්ජ්කුට්ටිගේ බුද්ධිමත් සටනේ අවසාන පරිච්ඡේදය, ඒ කියන්නේ Drishyam 3 (2026) චිත්රපටයේ විස්තර තමයි අද අපි අරන් ආවේ. Jeethu Joseph ගේ විශිෂ්ට තිර රචනයක් එක්ක ආපු මේ මලයාලම් සිනමාපටය මේ වනවිට IMDb හි 7.4/10 ක අගයක් ලබාගෙන තියෙනවා. මෙවර කතාවෙන් පවුලේ ආරක්ෂාව වෙනුවෙන් නීතියට සහ පොලිසියට වඩා හැමවිටම එක පියවරක් ඉදිරියෙන් සිටින ජෝර්ජ්කුට්ටි (Mohanlal) මුහුණදෙන දරුණුතම වගේම අවසන් අභියෝගය අපිට බලාගන්න පුළුවන්. මලයාලම් සිනමා ඉතිහාසයේ වැඩිම පූර්ව ප්රචාරක ආදායමක් (Pre-release business) ලැබූ මෙම චිත්රපටයේ අවසන් පැය භාගය හිතාගන්නවත් බැරි විදියේ දරුණු Plot Twists වලින් පිරී පවතිනවා. පළමු කොටස් දෙක බලපු Thriller රසිකයන් අනිවාර්යයෙන්ම නැරඹිය යුතුම, පියෙකුගේ අසීමිත ආදරය පෙන්වන සුපිරිම අවසානයක් සහිත නිර්මාණයක් විදිහට මෙය හඳුන්වන්න පුළුවන්.