
බිඳුණු ආදරයක සෙවනැල්ල
හයිද්රාබාද්හි ඉංජිනේරු විද්යාලයක ඉගෙනුම ලබන අතරතුර ඇතිවන සුන්දර යොවුන් ප්රේමයකින් ඇරඹෙන ආරව් සහ චාන්දනීගේ ආදර කතාව වටා තමයි මේ හින්දි ආදර කතාව ගෙතිලා තියෙන්නේ. ඔවුන් කිසිසේත්ම බලාපොරොත්තු නොවුණු මොහොතක සිදුවන අනපේක්ෂිත ගැබ්ගැනීමක් නිසා ඔවුන්ගේ යොවුන් සිහින ලෝකය සම්පූර්ණයෙන්ම කණපිට හැරෙනවා. පවුල්වලින් එල්ලවන දැඩි විරෝධය සහ බාධා මැද වුවත්, තනිවම ජීවිතයට මුහුණ දෙන්න තීරණය කරන මේ තරුණ පෙම්වතුන් දෙන්නාට, නොසිතූ වගකීම්, ආර්ථික ප්රශ්න සහ තමන්ගේම අනාගත බලාපොරොත්තු මැද ලොකු ජීවන අරගලයක යෙදෙන්න සිද්ධ වෙනවා. සැබෑ ජීවිතයේ කටුක යථාර්ථය හමුවේ ඔවුන්ගේ මේ ආදර බැඳීම රැකගන්න මේ දෙන්නාට සුවිශාල කැපකිරීම් රැසක් කරන්න සිද්ධ වෙනවා.